14 мая 2014, Среда

Anafilaktik şok

Anafilaktik şok — həyat üçün təhlükə yaradan kəskin böhranlı və sürətlə inkişaf edən alerjik reaksiyadır. Əksar hallarda dərman preparatları, müxtəlif qida məhsulları və həşəratların sancması nəticəsində ortaya çıxa bilər. Anafilaktik şokun yarana bilməsini qabaqcadan bilmək hələ ki, çox çətindir – dəfələrlə qəbul olunan dərman və ya qıda heç bir reaksiya vermədiyi halda, təsədüfən şiddətli reaksiya verə bilər. Həyatı boyu heç bir alergiyası olmayan, hətda heç bir dərman gəbul etməyən və hər növ qidanı problemsiz qəbul edən insanlarda da bu növ reaksiya yarana bilər. Bu səbəblə də profilaktik tədbirlər nisbi sayılır və anafilaktik şokun yaranmamasının təminatı ola bilməz. Beləcə bir nəticə çıxara bilərik – anafilaktik şokun yaranmasından heç kim səğortalanmayıb və hər zaman buna hazır olmaq lazımdır.
Anafilaktik şokun başlanmasının ilk əlamətləri: narahatçılıq, qorxu hissiyyatı, zəiflik, baş ağrısı, dodaqların və sifətin keyləşməsi, başgicəllənmə, qulaqlarda küy, gözlərin qabağının qaralması, soyuq tər, ürəkbulanması, təngnəfəslik, boğazda, sinədə sıxılma və təzyiq hissiyyatı, arterial təzyiqin enməsi, dəridə səpgilər, bədəndə şişkinlik, qusma və qarında ağrı. Tədbirlər görülmədiyi halda qıcolmalar, huşun itirilməsi, ürək fəaliyyətinin və tənəffüsün dayanması görülə bilər. Təəssüflər olsun ki, anafilaktik şok reaksiyaları hadisələrinin 40%-ə yaxını ölümlə nəticələnir. Amma vaxtında və düzgün ilkin tibbi kömək ölüm hallarını əhəmiyyətli dərəcədə azaldır.

Azərbaycanda ilk dəfə olaraq məs bizim klinikada təlim keçmiş personal ADA (American Dental Association) və FDI (World Dental Federation) standartlarına tam uyğun olan “anti-şok” dərman preparatları paketi istifadə olunaraq, xüsusi xilas etmə tədbir planı həyata keçirmə imkanına malikdir. Bu da pasiyentlərin təhlükəsizliyinə təminat verir.

anafilaktik şok stomatoloq


1 şərh var


  1. SEO Azərbaycan -

    Gözəl bir məlumat yazısı olmuş.


Şərh yazın


Bu TAG-ləri istifadə edə bilərsiniz:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>



Yüklənir...